საიტზე არის 1 აქტიური ვაკანსია. ბოლო აიტვირთა 10:28
RSS  
როგორ მოვერგოთ უფროსის ადგილს
შრიფტის ზომა:
მიეცით რეკომენდაცია (6)

უმკაცრეს მენეჯერებსაც კი სჭირდებათ დასვენება, არ აქვს მნიშვნელობა იმას, ეს მოკლე დასვენება იქნება თუ 12 თვიანი მივლინება სხვა ოფისში. ასეთ დროს, შესაძლოა, თქვენ გთხოვონ დროებით მისი ადგილის დაკავება. გთავაზობთ მსგავს შემთხვევაში გასათვალისწინებელ რამდენიმე რჩევას.


1. იცოდეთ რას მოელიან თქვენგან. დიდი განსხვავებაა იმას შორის თუ როგორ ადევნებთ თვალს ყველაფერს სანამ თქვენი უფროსი ორი კვირით საბერძნეთში ისვენებს და იმას, თუ როგორ მართავთ ფირმას, სანამ თქვენი უფროსი დეკრეტულ შვებულებაშია ერთი წლით. “არსებობს სამუშაოები, რომელიც მცირედ მცდელობას მოითხოვს, თუმცა შესაძლოა მოგიწიოთ ისეთი სამუშაოს შესრულებაც, რომელიც საჭიროებს მეტ ძალისხმებას,” ამბობს პენი დე ვოლკი, მართვისა და მენეჯმენტის ინსტიტუტის უფროსი აღმასრულებელი.

2. იცოდეთ საზღვრები. როდესაც ლესლი ჰანტს, ინჟინერს, სთხოვენ დროებით ჩაანაცვლოს თავისი უფროსი ჰალკროუში, მას ეძლევა ზუსტი მითითებები იმასთან დაკავშირებით, თუ სადამდე ვცელდება მისი პასუხისმგებლობა. “მე და ჩემი უფროსი ინჟინერი ვსაუბრობთ იმის შესახებ, თუ რასთან შეიძლება მქონდეს საქმე და რა სახის დისკუსიებში შეიძლება მივიღო მონაწილეობა,” – ამბობს ის.

3. ნუ გაიორმაგებთ სამუშაოს. თუ თქვენ ითავსებთ თქვენი მენეჯერის მოვალეობებს, თქვენ უნდა ჩამოაყალიბოთ სამუშაო მოვალეობათა მასშტაბები – რათა თავიდან აიცილოთ ორი სამუშაოს შესრულების ვალდებულება.

4. მზად იყავით, რომ ისწავლოთ... უფროსის მოვალეობის შესრულება კარგი საშუალებაა იმისათვის, რომ განაგრძოთ სწავლა...

5. მაგრამ დატოვეთ ადგილი თავის წარმოსაჩენად. “არ არის საჭირო, რომ მთელი ეს საპასუხისმგებლო დრო სწავლისთვის გამოიყენოთ, რადგან ეს ქმნის რისკს იმისას, რომ თქვენ ვერ შეასრულებთ სამუშაოს,” ამბობს დე ვალკი. “გაითვალისწინეთ რა გამოგდით ყველაზე კარგად, შეუსაბამეთ ის მოქმედ სამუშაო პროექტს და თავი საუკეთესოდ წარმოადგინეთ”.

6. ითხოვეთ დახმარება. ეს ნიშნავს იმას, რომ თქვენ გაიაროთ გადამზადება სამუშაოს ჩაბარებამდე ან მისი მსვლელობისას. დე ვალკის თქმით, კარგი იქნებოდა თუ იპოვიდით კომპეტენტურ ადამიანს, რომელიც პროცესის პერიოდში დაგეხმარებათ.

7. ნუ დამალავთ შიშებს. სავსებით ბუნებრივია ნერვიულობა სამუშაოს ჩაბარების წინ, მარგამ თქვენი მენეჯერი თვლის, რომ თქვენ შეძლებთ სამუშაოს შესრულებას, სწორედ ამიტომ შემოგთავაზათ მან ის თქვენ. თუ თქვენ ნერვიულობთ, რომ ვერ გააკეთებთ სამუშაოს, მენეჯერთან კონსულტაციები დაგეხმარებათ ამ პრობლემის მოგვარებაში. თუ თქვენ განიცდით ტექნიკურ ან პროფესიულ პრობლემებს, ნუ დამალავთ ამას.

8. მზად იყავით დაძაბულობისთვის. გუნდის წევრობიდან გუნდის ხელმძღვანელად ქცევამ შესაძლოა შეცვალოს თქვენი გუნდის წევრების თქვენდამი დამოკიდებულება; შესაძლოა მათ თქვენ უფრო ბოსათ აღგიქვან, ვიდრე მეგობრად. ზოგიერთი შესაძლოა აღშფოთდეს კიდეც ცვლილების გამო. მსგავსი სიტუაციებიდან კარგი გამოსავალია საუბარი მათთან. “იყავით გულახდილი და პასუხისმგებლიანი ხალხის მიმართ,” – გვირჩევს ჰანტი, “ხაზი გაუსვით იმას, რომ თქვენ გჭირდებათ მათი თანამშრომლობა და რომ ისინი დაჯილდოვდებიან წარმოატებული იდეების გამო”.

9. იყავი სამართლიანი კლიენტებთან. გაარკვიეთ ისინი არსებულ სიტუაციაში. აუხსენით თუ რამდენი ხნით ექნებათ მათ თქვენთან ურთიერთობა როგორც დროებით თქვენი ბოსის შემცვლელთან. დარწმუნდი იმაში, რომ მათ ზუსტად გაიგეს თუ რას უნდა ელოდნენ თქვენგან და თუ რა მნიშვნელოვანი გადაწყვეტილებები (ასეთის არსებობის შემთხვევაში) საჭიროებას გადავადებას თქვენი უფროსის დაბრუნებამდე, ამბობს ჰანტი.

10. უკან მოიხედე. თუ ამ ხნის განმავლობაში შენ მნიშვნელოვან წინსვლას მიაღწიე ალბათ აღარ გენდომება წინა თანამდებობაზე დაბრუნება ბოსის დაბრუნების შემდეგ. ამისთვის შეგიძლია მიმართო შენს თანამშრომლებს დაგეხმარნონ ისეთი სამუშაოს მოძებნაში რომელიც შესაფერისი იქნება შენი ახალი დონისა და გამოცდილებისა.  

 
ვაკანსიის განთავსება რეზიუმეს დამატება
Get our toolbar!
 
 
 
 
© 2009 “Staff.ge”. ყველა უფლება დაცულია.
ჰოსტინგს უზრუნველყოფს ”Pro-Service”
 
კონტაქტი:
ელ.ფოსტა: info@staff.ge